UEUko udaberriko eskaintza

Ikastaro hauek eginen dira  UEUren Iruñeko egoitzan ondoko data hauetan hasita:

• Berdintasunaren bidean ahalduntzen. Udaberriko tailer zikloa. Urtarrilak 30.
• Ipuin parekideak lantzen. Urtarrilak 30ean.
• Estresa barru bakea bihurtzen. Otsailak 16.
• Emariak: emakumeen ekarpenak ikusarazten. Otsailak 27.
• Askatasunean hazi, hezi eta bizi. Martxoak 9.
• Ikas komunitatea ikasketa dialogikotik abiatuta. Martxoak 23.
• Euskara ez sexista. Martxoak 27.
• Ahozko komunikazioa errazteko teknikak. Apirilak 6.
• Emakumea ahalduntzen, bizimodu osasuntsutik. Maiatzak 8.
• Galerak, heriotza eta dolua haurren hezkuntzan. Maiatzak 11.
• Askatasunerako pedagogia. Maiatzak 29.

Nafarroaren Historia. Memoria bizia (1512-1982)

GERTAKARI ETA ABAGUNE NABARMENEN INGURUKO 12 HITZALDI, NAFARROAREN KONKISTATIK ESPAINIAKO TRANTSIZIORA BITARTE

Euskokultur Fundazioak eta Udako Euskal Unibertsitateak elkarlanean antolatuta, 1512. urtetik XX. mende hondarrera arteko ibilbidea aztertuko dute 12 saioko ikastaro batean.

Antolatzaileek hamabi hitzaldi prestatu dituzte, 500 urteko historia gizarteratzeko asmoz: konkistaren ondotik sorturiko testuinguru, bizimodu, pentsamendu eta arrazoibideen segida; Nafarroaren biziraupena, haren nortasuna foruen inguruan zainduta; politikari, intelektual zein herritar xehe aunitzek eginiko ekarpena, koiuntura bakoitzean eta ibilbide osoan zehar. Argilunez beteriko ibilbidea, nolanahi ere.

Saioak Arrotxapea auzoko Euskokultur Mintegian eginen dira, astero-astero, otsailaren 20tik maiatzaren 16ra. Asteazkenetan euskaraz eta ostegunetan gaztelaniaz, biak ala biak 19:30etik 21:00etara. Hurrenez hurren, Amaia Álvarez eta Aitor Pescador historialariak izanen dira bi taldeon gidari.

Izen emateko epea otsailaren 15 arte zabalik da, taldearen arabera matrikulak 50-60 euroko prezioa du eta plazak mugatuak dira. Xehetasun guztiak eta izen emateko argibideak Euskokultur Fundazioaren atarian (www.euskokultur.eus-en) aurkitu ahal dira.

Biko-Teka III. edizioa

Liburu ilustratuak sortzeko ilustrazio eta narraziogintza tailerraren III. Edizioa antolatu dute Galtzagorri Euskal haur eta gazte literatura elkarteak eta Iruñeko Udalak elkarlanean. 2019ko urtarrilaren 29tik otsailaren 2ra burutuko da Iruñeko Descalzos kaleko Igogailu ondoko udal aretoan. Lau egun eta erdiz, guztira, 37 orduko tailer praktikoa eskainiko da.

Irakasleak Harkaitz Cano eta Aitziber Alonso izango dira. Azken egunean, Mikel Soto (Txalapartako editore ohia) eta Paxkal Indo (ZTK-ko editorea) izango dira hizlari.

Idazle eta ilustratzaileek parte hartu dezakete, bakarka zein binaka. Bakarka aurkezten direnei bikotea aurkituko zaie. Gehienez irudigile eta idazle banak osatutako 8 bikote hautatuko dira.

Dokumentazioa aurkezteko azken eguna: 2019ko urtarrilaren 14a da.

Informazio gehiago: www.galtzagorri.eus.