IkerGazte 2019

Artikulu zientifikoak aurkezteko deialdia zabalik.

UEUk antolatutako IkerGazteren 3. kongresua Baionan izango da Errobiko Campusean, 2019ko maiatzaren 27tik 29ra.

Dagoneko artikulu zientifikoak aurkezteko deialdia irekita dago.

Lehen edizioa 116 ekarpenekin osatu zuten, eta 2017koa 122rekin. Guztira 200 ikertzaile inguru bildu ziren haietako bakoitzean.

UEUko udaberriko eskaintza

Ikastaro hauek eginen dira  UEUren Iruñeko egoitzan ondoko data hauetan hasita:

EuskarAbentura 2019

EuskarAbenturak bigarren edizioa izango du 2019ko uztailean. 2002 eta 2003 urteen artean jaiotako gazteei zuzendua.

16-17 urte bitarteko 120 gaztek osatuko dute espedizio taldea. Abenturan parte hartu nahi dutenek motibazio gutuna eta banakako lan bat aurkeztu beharko dute martxoaren 10a baino lehen. Jasotako proiektuak Eusko Ikaskuntzaren eta .eus Fundazioaren laguntzaz ebaluatuko dira eta lan onenen egileek espediziora joateko “beka” lortuko dute.

Lanak egiteko hautagaiek hiru lan-gairen artean aukeratu beharko dute: “Maite ditut maite gure bazterrak”, “Joan-etorriak: migrazioen testigantzak” edo “Errimak eta erritmoak”. Lanak sei formatutan aurkeztu ahalko dira: lan literarioak, musikalak, historikoak, ikus-entzunezkoak, plastikoak eta, aurten estreinakoz, sormen digitalekoak. Informazio gehiago: www.euskarabentura.eus.

Zizur Nagusiko Gazteen IV Literatura Lehiaketa

Oinarriak:

1. Derrigorrezko Bigarren Hezkuntzan, Batxilergo eta Lanbide Heziketan ari diren ikasleek parte har dezakete.

2. Adin kategoria hauek bereiziko dira:
• A: DBHko 1., 2. eta 3. mailako ikasleak (2004an, 2005ean eta 2006an jaioak).
• B: DBHko 4. maila, Batxilergoa eta Lanbide Heziketako ikasleak (2001ean, 2002an eta 2003an jaioak).

3. Lehiaketa mota:Idatz iezaiozu eskutitz bat izen handiko euskaldun bati.

4. Lehiaketako lanek euskaraz idatziak, originalak eta inon argitaratu gabeak izan behar dute. Bakarkako lanak izanen dira.

5. Lanen luze-laburrak hauek izanen dira:
• A: Orrialde bat.
• B: Orrialde bat.

6. Lanak Zizur Nagusiko Udaleko Euskara Zerbitzuan edota IES ZIZUR BHIn aurkeztu behar dira 2019ko martxoaren 1a baino lehenago.

7. Kategoria bakoitzeko bi saritu egonen dira. Aipamen bereziak ere eman ditzake epaimahaiak horrela erabakiko balu. Sarien banaketa Zizur Nagusiko Kultur Etxean eginen da apirilaren 11n, 13:00etan.

8. Sariak honako hauek izanen dira:
• A kategorian, 60 euro, liburu bat eta CD bat jaso ditu irabazleak; eta 40 euro eta liburu bat, bigarrenak.
• B kategorian, 100 euro, liburu bat eta CD bat jasoko ditu irabazleak; eta 80 euro eta liburu bat, bigarrenak.
• Aipamen berezia aitortzen zaien neska-mutilei ere emanen zaie saria.
(Liburu eta CDak Zizur Nagusiko liburu-dendetan erosiko dira.)

9. Zizur Nagusiko Udaleko Euskara Zerbitzuak lehiaketara aurkeztutako lanak argitaratzeko eskubidea izanen du egilearen izena adieraziz.

10. Lanak ordenagailuz, A4 neurrian eta alde bakarretik idatziak aurkeztu behar dira.

11.Eskutitzaren goiko aldean nori zuzendua dagoen egon behar du idatzita. Orrialdearen eskuin aldean egilearen jaioteguna adierazi behar da. Egilearen izena ez da inon agertu behar.

12. Lanarekin batera, gutun-azal itxi bat aurkeztuko da datu hauekin:
Azalean:
– Lanaren izenburua
– Egilearen jaioteguna

Barruan:
– Egilearen izen-deiturak
– Lanaren izenburua
– Helbidea
– Posta elektronikoa
– Telefonoa
– Ikasmaila
– Ikastetxea

Nafarroaren Historia. Memoria bizia (1512-1982)

GERTAKARI ETA ABAGUNE NABARMENEN INGURUKO 12 HITZALDI, NAFARROAREN KONKISTATIK ESPAINIAKO TRANTSIZIORA BITARTE

Euskokultur Fundazioak eta Udako Euskal Unibertsitateak elkarlanean antolatuta, 1512. urtetik XX. mende hondarrera arteko ibilbidea aztertuko dute 12 saioko ikastaro batean.

Antolatzaileek hamabi hitzaldi prestatu dituzte, 500 urteko historia gizarteratzeko asmoz: konkistaren ondotik sorturiko testuinguru, bizimodu, pentsamendu eta arrazoibideen segida; Nafarroaren biziraupena, haren nortasuna foruen inguruan zainduta; politikari, intelektual zein herritar xehe aunitzek eginiko ekarpena, koiuntura bakoitzean eta ibilbide osoan zehar. Argilunez beteriko ibilbidea, nolanahi ere.

Saioak Arrotxapea auzoko Euskokultur Mintegian eginen dira, astero-astero, otsailaren 20tik maiatzaren 16ra. Asteazkenetan euskaraz eta ostegunetan gaztelaniaz, biak ala biak 19:30etik 21:00etara. Hurrenez hurren, Amaia Álvarez eta Aitor Pescador historialariak izanen dira bi taldeon gidari.

Izen emateko epea otsailaren 15 arte zabalik da, taldearen arabera matrikulak 50-60 euroko prezioa du eta plazak mugatuak dira. Xehetasun guztiak eta izen emateko argibideak Euskokultur Fundazioaren atarian (www.euskokultur.eus-en) aurkitu ahal dira.