CAF-Elhuyar sariak 2019

Aurten 25 urte beteko dituen hariketa honek kategoria hauek ditu:

Dibulgazio-artikulu originalak. Bi azpikategoriatan banatuta dago: dibulgazio-artikulu orokorrak eta egilearen doktore-tesian oinarritutako dibulgazio-artikuluak. Azpikategoria bakoitzaren 2.000 euroko saria.

Zientzia-kazetaritzaren arloko lanak. 2.000 eurorekin saritzen da.

Zientzia Gizartean sorkuntza-beka. Zientziaren/teknologiaren eta gizartearen arteko elkarrekintza lantzen duen proiektuak onartzen dira kategoria honetan. Aukeratutako proiektuaren egileak hura gauzatzeko 5.000 euroko diru-laguntza jasotzen du.

Horrez gain, aurten ere NEIKER sari berezia emango zaio lehen sektoreari lotutako artikulu onenari; saria 2.000 eurokoa izango da.

2019ko otsailaren 14ra arte aurkez daitezke lanak.

 

Etxepare Saria 2019

Haurrei zuzenduriko album ilustratuak aurkeztu ahal izanen dira sari honetara. Album ilustratu bezala ulertzen dira testua eta irudia elkarren osagarri dituzten lanak.

Lanak euskaraz idatziak, jatorrizkoak eta argitaratu gabeak izanen dira.

Originalak aurkezteko epea 2019ko maiatzaren 10ean itxiko da.

Sari bakarra emango da, 5.000 eurokoa, egile eskubideen aurrerapen moduan. Saritutako lana Pamiela argitaletxeak argitaratuko du euskaraz, eta argitalpenean Etxepare sariaren aipamena eginen da.

Antolatzaileak: Nafarroako Toki Entitateetako Euskara Zerbitzuak.

IkerGazte 2019

Artikulu zientifikoak aurkezteko deialdia zabalik.

UEUk antolatutako IkerGazteren 3. kongresua Baionan izango da Errobiko Campusean, 2019ko maiatzaren 27tik 29ra.

Dagoneko artikulu zientifikoak aurkezteko deialdia irekita dago.

Lehen edizioa 116 ekarpenekin osatu zuten, eta 2017koa 122rekin. Guztira 200 ikertzaile inguru bildu ziren haietako bakoitzean.

UEUko udaberriko eskaintza

Ikastaro hauek eginen dira  UEUren Iruñeko egoitzan ondoko data hauetan hasita:

EuskarAbentura 2019

EuskarAbenturak bigarren edizioa izango du 2019ko uztailean. 2002 eta 2003 urteen artean jaiotako gazteei zuzendua.

16-17 urte bitarteko 120 gaztek osatuko dute espedizio taldea. Abenturan parte hartu nahi dutenek motibazio gutuna eta banakako lan bat aurkeztu beharko dute martxoaren 10a baino lehen. Jasotako proiektuak Eusko Ikaskuntzaren eta .eus Fundazioaren laguntzaz ebaluatuko dira eta lan onenen egileek espediziora joateko “beka” lortuko dute.

Lanak egiteko hautagaiek hiru lan-gairen artean aukeratu beharko dute: “Maite ditut maite gure bazterrak”, “Joan-etorriak: migrazioen testigantzak” edo “Errimak eta erritmoak”. Lanak sei formatutan aurkeztu ahalko dira: lan literarioak, musikalak, historikoak, ikus-entzunezkoak, plastikoak eta, aurten estreinakoz, sormen digitalekoak. Informazio gehiago: www.euskarabentura.eus.